Frå teaterstykket Ska du bygg en by (1995).
Handlinga var lagt til Namsos i 1940 og 1948. Under Vinterkrigen mellom Finland og Sovjetunionen 1939-40 dukka det opp i avisene ei historie om den finske skihelten Pekka Niemi. Denne versjonen er berre litt utbrodert.

 
Da verdensmesterskapet gjekk i Chamonix
tok Norge gullet i stafett
Finnan tapt på først-etappen, ti små kilometer
alt for kort for ’n Niemi, han nådd ijt å bli sveitt

På atten-kilometer’n kom han så vidt i siget
og fekk med sæ ein bronse, men han Bergendahl tok gull
På fem-mila, der starta ’n som ein trægost ut’n like
Men på den siste mila kom han Niemi for fullt

Pekka, Pekka Niemi
Det va han Pekka Niemi som kom forbi på ski
Før nordmenn’ fekk sagt «Morgedal» og lagt på anna smurning
va ’n komme bort i snøføyka, han Pekka Niemi

Det sto ein russisk panserbil i snøkav attmed front’n
Da banka det på ruta, ein mann stakk haue inn
«Æ tenkt å kløpp’ av ledningan te telefon’ hans Stalin
Kan æ få lån ei knipetang, for mi e ijt å finn»

Pekka, Pekka Niemi
Det va han Pekka Niemi som kom forbi på ski
Før russer’n fekk sagt «njet» og henta fram geværet
va ’n komme bort i snøføyka, han Pekka Niemi

Kulan’ kvein om øyran på sersjant Niemi
Ut’n knip’tang mått det bli ei anna råd
Han klatra opp i stolpen og beit trådan’ av med tenner’n
Så når ’n Stalin ringe front’n e det ijtnå svar å få

Pekka, Pekka Niemi
Han Pekka kan meir enn å gå på ski
Før Stalin fekk sagt «vodka» og klagd te sentralbordet
va ’n komme bort i snøføyka, han Pekka Niemi

Solistar i Ska du bygg en by: Odd-Inge Strandheim og Lise Skage.